Ostoroədə 1000 qıləku vey məişət pəketon təğsim bıə.

Əzizə əməson, bə Rəcəb və Şəbanə manqi xoto, Ostoroədə, 1300 qılə məişət pəketon çı humanitarə koməkon çərçivədə, ehtiyocinə şəxson miyono təğsim bıə.

Bə Qiloni Tele-Rədio aqentiyəti raporti əsos, Ostoro cımə İmom həminə xəbə elanış karde və votışe: Im pəketon, makaroni, royən, soya, donəon, bırz və qujdiku şomil bıdə ki de Ostoro bəsic iyən Sepah təşkiloton miyono həmkarion vositə bə ehtiyocinə şəxson təğdim bıə.

Huccətul İslam vəl muslemin Muhəmməd Cəvad Bağıri votışe: ım pəketon erj 700 milyon tımən bəbe və Koronavirusiku zərəl-ziyon vində kəson iyən ehtiyocinə şəxson miyono təğsim bıə.

Ostoro cımə İmom həminə humanitar koon çərçivədə xəyyeron iyən muxtəlif cəmaəti  iştirokiku xəbəş do.

Dəvardə 2 sori mıddətədə və de Koronavirusi pandemiya bino bey həmzəman Qilonıjon de muxtəlif humanitar koməkon əcumlə Musavat nomo muminonə kampaniya bərpo kardey bə ın virusiku zərəl-ziyon vində kəson komək kardeydən.