67 ton əsosi əmtəə, tolışon miyono təğsim be.

Əzizə əməson, Rizvonşəhri fərmondori sərpərəst votışe: Esfəndə manqi əvvəliku təsə bə ısət, və çı Rizvonşəhri milləti əsosi əmtəə təmin kardey çərçivədə, təğribən 67 ton muxtəlifə məhsulon tolışon miyono təğsim bıə.

Bə İrna raporti əsos, zinə və Rizvonşəhri vujuri kontrol kardey iclosədə, ın tolışə şəhri fərmondori sərpərəst, Seyed Nadir Səfəvi bə milləti məişəti diğğət kardey çı İroni 13 minnə dıvləti vey muhimmə siyasətonku bə hisobış varde iyən əlovəş karde: çı Rizvonşəhri milləti rifoh cəhətədə, fəğət dəvardə 1 manqi mıddətədə 6 ton bırz, 26 ton şəkər, 20 ton qujd və 15 ton ruyən de təyin bıə ğeyməti, Rizvonşəhr və Pəresər məntəğəonədə bıə milləti miyono təğsim bıə.

Səfəvi bə cəmaəti məişət vəziyəti diğğət karde xoto İroni yolə Rəhbər, İroni prezident iyən Qiloni ostandari niqəroni və təkidon işorəş karde və votışe: həminə ko bə vırə rosniyeyro vujuri kontrol karde iyən rəsmi şəxson səy-cəhdon vey muhimmin, həmçenin əmtəə ədolətin təğsim kardey çı dıvləti əsli siyosətonin.

Rizvonşəhri fərmondori sərpərəst ijən izhorış karde: nəvuz idə mivəon təmin kardey barədə həm, ditəsərrufat cihod və ko oprativ idorəon bə ko kardey məşğulin ta mivəon ğəymət de milləti maliyə iyən məişət vəziyəti həmohənq təyin bıbu.