Korona vaksinasiyaədə Ostoro və Tolış ,vey çokə şəhrıstononin.

Qilon ostani tib elmon universiti rəis votışe: Tolış və Ostoro şəhrıstononədə 50 faiz çı 5 tosə 18 sor sinnışon bıə şəxsonku Koronavirusi vədə ıştə 1 minnə mərhələ vaksini jəşone iyən Qilonədə vey çokə şəhrıstononin.

Bə İRİB raporti əsos, Ərsəlan Salari əlovəş karde: ım 2 qılə şəhrıstononədə 10 faiz, çı 5 tosə 12 sor sinnışon bıə hırdənonku həm, Koronavaksini jəşone.

Korona pandemiya barədə həm əlovə kərde lozime ki bə oxonə raporton əsos, Qiloni tib elmon universiti sıxənəvot ostanədə Omikroni şiddəti kam beyku xəbəş do, və votışe: dəvardə 24 saəti mıddətədə, Qilon ostanədə bə korona virusi mıbtəlo bıə kəson miğdor 81 nəfər əlovə bıə və cəmədə noxəşon miğdor bə 466 nəfər rəsə ki 95 nəfər ım miğdoriku çı ostani xususi baxşədə oloxtoniyəşone ki 85 nəfər çəvonku vey bədholin.

Doktor Fərdin Mehrabiyan bə korona noxəşon kam beyədə vaksinasiya rol və əhəmiyəti işorə iyən əlovəş karde: Qilonədə vaksin jəeyro, 466 qılə mərkəz əktivin və ko kardey holədən.