Qilon ostani boğon bə inkişof rəseyro, krediton.

Mehribonon, Qiloni ditəssərufat cihod idorə boğəvonəti koon mudir votışe: Qiloni boğon bə inkişof rəseyro, 1 milyard tımən subsid ixtisos doə bəbe.

Bə Qiloni Tele Rədio aqentiyəti raporti əsos: Mənuçehr Parsafər bə Qilon ostani boğon bə inkişof rosniyeyro, 1 milyard tımən subsid ixtisos doe işorəş karde və votışe: Qilon ostan 13 qılə toğəco soybe ki bə isloh bıə toğəon istehsol və prosniye məşğulin .

Əv bə dəvardə sorədə Qiloni boğon bə inkişof rəseyro, 800 milyon tımən xərc bey işorə və əlovəş karde: ım toğəon, ostani ditəsərrufat cihod idorə koşınason nəzorəti jintonədə istehsol bəbe və ım subsid həm bə ərazi isloh kardey, ostani boğon bə inkişof rosniye həmçınin tuə boğon əlovə kardey xoto, bə boğəvonon doə bəbe.

Qiloni ditəssərrufat cihod idorə boğəvonəti koon mudir işorəş karde ki ım krediton doeyku hədəf, divujon və boğəvonon bəromə əlovə kardey, bə şəhron səmti çəvon mıhocirəti kam kardey iyən Qilonədə istehsoli əlovə kardey elan və izhorış karde: Qilon 115 həzo hiktor boğon soybe və har sor vujuronədə boğəvonon 675 həzo ton muxtəlifə boği məhsulon həvateydən.