Ostoro şəhrıstoni ğəhrəmonə şəhidonku yod bıə.

Mehribonon, zinə sıb Ostoro şəhrıstoni musəllaədə 167 qılə şəhidon yol qəte mərosim bərpo be.

Bə İRİB raporti əsos, ım mərosimədə Qilonədə bıə vəliye fəğih nımoyəndə votışe: islamiyə İroni millət, inğilobi əvvəliku tosə bə ısət, deşmənon siyosi, mədəni və iğtisodi sanksiyaon vədə muğavimət kardışone və həmmə muşkilaton jintonədə, həmçınan de zumandəti bəştə aliyə hədəfi iyən bə inkişof rəsey səmti hərəkət kardedən.

Ayətullah Fəlahəti əlovəş karde: İron İslam Respublika muvəffəğiyəton bənə səhv, siyo nışo doey iyən əvoni təhrif kardey, yaxod de Pəhləvi rejimi muğaisə kadey, deşmənon co qılə xəbisə planonin ki bəpe universition, moəlimon, tələbəon və elittaon, de muxtəlifə hissəonədə bıə İroni kişvəri bə inkişof rəsə koon və muvəffəğiiyəton bə İroni vəomə nəsli təbyyin və bəyon kardey vositə əy betəsir kon.

Həmçınin Qiloni vəliye fəğih nımoyəndə ıştə ım səfərədə bə Ostoro şəhri qiromiyə şəhid, Nadır Haci Əbbosi ailə osə ğandışe.