Masalədə Nəvuzə idi adəton iyən hol-həvo(4)

Əzizə əməson, Nəvuzə id, həmmə milləton xususi Tolışonro bənə qıləy kanə, torixi iyən erjinə adət və mərosimi zıney bıdə.

Nuyə sor iyən bəharə fəsli rujonədə şıməro ğəşənqə ləzəon iyən jimonədə xuşbəxtiyəti urzu kardəm.

Əmmo Nəvuzə idi bənav bıə rujonədə qıləy vey torixiyə adət ki İroni muxtəlif ğovmon əcumlə Tolışon tərəfo bənə məxsus rəsmi əncom bıdə kulçoşəmbəy.

Masalədə seşambə ruji ğurubədə ailəon hozzo bıdən ki ıştə kədə, kul çoşəmbə rəsmi bərpo kon.

Jəğo ki i nəfər, kə kum ya soədə, 7 dastə kılaşi de çand metr fasilə ğəror doydə və əy otəş jedə.

Ailə uzvon həm otəşi səku pəreydən və ım şeron handedən:

kuly kuly Çoşəmbə, kanə sori bıqət, tojə sori bıdə,

ijən handən:

kuly kuly Çoşəmbə, çəma dardo-bəlo əvəzi, bəmə səğəconəti bıdə.

Masalıjon ım mərosimi oxoədə bə otəş diyə və niyyət kardedən iyən de barzə sədo voteydən:

çəmə zardi boto, ıştı sıəti boəmə.

Masalədə Kul Çoşəmbə rujədə, məxsusə xorəkon həm pateydən, ki vişə tarə, bıştə moy, vənjumə tarə, məhəliyə most, məhəliyə niyə ruyən və məhəliyə səbzi çəvonku bə hisob omeydən.

Kədə jenon səyocəhd kardən ki ım xorəkonədə məhəliyə havzəonku istifodə kon.

Əmmo əzizə duston, Qilon ostani mədəniyət irson iyən nəcimə sənaye idorə yol, Həmid Rıza Azərpur, dəvardə 5 rujədə, 2 milyono 2 həzo 645 nəfəriku vey musafir və turisti, bə Qilon varid beyku xəbəş do iyən əlovəş karde: həminə mıddətədə 364 həzo 500 qıləku vey maşin həm bə ostan varid bıən.