Masalədə Nəvuzə idi adəton iyən hol-həvo(5)

Xosə Tolışon səlom, Nəvuzə idi bəşımə təbrik ərz kardəm, şımə nuyə sor bud bıbu, dəvət kardəm ki de ımrujnə xəbə reportaj baxşi dəmə bə ico bımandən.

Masal tolışə məntəğədə Nəvuzə idi i minnə ruji sıbədə və həvo ruşin bey bənav, hırdənon, 5 tosə 10 nəfəriyə qurupi ğolibədə bə kuçə və xiyobonon bəşen və nuyə sori təbrik voteyro bə xışavəndon kə dəşedən.

Kə soybon həm bəvon şini, mivə, kaqə moğnə və ya xavlo iyən puli bənə idəbaxşə dodən.

Kalion həm idi ruji çoştəro bəştə famili yolon kə bəşen.

Masalıjon idə rujədə və idi bə yande təbrik voteyro, ım cumlə iyən iborətonku istifodə kardən:

Bıra can, kilə can, ıştı id mubarək,

Həzoon idi bıvini, ıştı dədənə, ıştə nənənə,

İşorə kəmon ki Masalədə və Nəvuzə idi məxsusə surfədə iyən xorəkon kənoədə, ım çion həm vindey bıdə: kərimə Ğıron, ovəynə, havzə, ranqinə kaqə moğnə və ğəyçi.