Masalədə Nəvuzə idi adəton iyən hol-həvo(8)

Xosə tolışon səlom, bəharə fəsl, Nəvuzə id iyən nuyə sori dəme mınosibəti bə şımə mehribonə həmzıvonon təbrik ərz kardedəm, şıməro xoşə ləzəon urzu kardəm.

Imruj həm tikəy bə Nəvuzə idədə bıə İroni Tolışon adət-ənənon işorə bəkamon, dəvət kardəm dəmə bə ico bımandən.

Əzizon, Nəvuzə idədə çı İroni tolışon miyono bıə dılənışt iyən cəzbəkə adətonku qıləyni dəstmol ğandey ğeyd bıə.

In adəti barədə jığo votey bıdə ki  kulə şəviku, kalion, xususi Nəvuz handə kəson, çı kəon bə, divo ya xod pencəku yolə ğəşənqə dəstmoloni məxfi surəti bə kə əholi səmti ğandən. ın dəstmolon de bənəfşə və pamçalə vıli dərostə bəy. kəsoybon həm, dəstmoli peqətey bəpeşt vılon əvəzi çəyədə idəbaxşə nodən və dəstmoli ijən bə mehmonon obəqordonen.

İdə dəstmoli ğandey çı Tolışon miyono bıə qıləy kanə adət-ənə bə hisob omeydə ki çəy oqəteyro bəpe vey cəhd kəmon.