Qiloni İmomzodəonədə bəhariyə oroməti plan.

Əzizə həmzıvonon səlom, Nəvuzə id təğribən bəştə oxonə rujon nez bıdə, umidımone ki ailə kənoədə səlomətəti, hərəbaxtəti iyən çokion bə şimə aid bıbu, ımruj həm bə Nəvuzə idi xoto, qıləy reportaji bə şımə təğdim bəkamon, dəvət kardəm dəmə bə ico bımandən.

İroni 1800 qıləku vey İmomzodəonədə bəhariyə oroməti plani icra bino bıə.

Mehribonon, bə İRİB raporti əsos, Rəştədə İroni vəğf iyən xəyrə koon idorə mədəniyə muavin de ın xəbə elani votışe: 12 sor bəbe ki İronədə bəhariyə oroməti plan icra bıdə.

Huccətul İslam vəl muslımin Adil bə dəvardə 2 sori mıddətədə bıə Koronavirusi pandemik şəroyeti qıvonin bey işorə iyən izhorış karde: ımsor iyən Koronavirusi məhdudiyəton kam bey bəpeşt, sənibəton de mıtəbərrikə məğbərəon və muğəddəsə İmomzodəonədə ko kardə rəsmi şəxson ijən dini təbliğəkəyon koməkon vositə bəhariyə oroməti plani icra bino bıə.

Əv votışe: Qilanədə bıə veyə İmomzodəon və mədəniyə imtiyozon bois bıə ki turiston çın ostani torixi kanəti iyən təbii cazibəon kənoədə bə həminə planədə iştiroki meyleşon bıbu.

Hırdənon və nocıvononro məxsus fəaliyəton, məarif iyən bəsirət palataon oj karde, nımoj vote iyən zairon məskun kardey, əcumlə bəhariyə oroməti nomo plani çərçivədə bıə muxtəlif mədəniyə bərnoməonin.