Ostoro şahrvandonku 31 faiz Koronavirusi 3 minnə doza vaksini jəşone.

Xosə Tolışon səlom, rujə manqədəmon, Xıdo dərqohədə şıməro səadətə jimon iyən xəyr ləzəon urzu kardəm, şımə nımoj-rujəon ğəbul bıbun.

Dəvət kardəm dəmə bə ico bımandən iyən bə ımrujnə xəbə reportaj baxşi quş bıdənən.

Əzizon, Ostoro fərmondar votışe: 31 faiz ım şəhrıstoni şahrvandon, yəni 24 həzo 890 nəfər, bə korona virusi ələyh ıştə 3 minnə doza vaksini jəşone, əv ım virusi inkişofi vəy qəteyro co şahrvandonku həm tələbış karde ki har çəxtə rə ıştə 3 minnə doza peyvəndi bıjənon.

Bə İRNA raporti əsos, tojədən Ostoro fərmondari vırədə iyən de Koronavirusi mubarizə bardey icolosədə Enayəte Rezaiipur əlovəş karde: ımruj bə Koronavirusi ələyh vaksinasiya təsir vey oşko bıə, çən az dəvət kardəm ki cəmaət har çəxtə rə ıştə vaksini 3 minnə doza bıjənon ta ictima səthədə, Korona zərəl-ziyoniku kam bıbu iyən çı milləti umumi səloməti şoyd bıbəmon.

Əv ijən votışe: Korona ranqi cəhəto Ostoro şəhrıston, zardə vəziyətədəy iyən de diğğət bə noxəşxonəonədə bıə Koronavirusi noxəşon oloxtoniye miğdori kam bey, ım koy dəvoniyero lozimə ko ıme ki millət ijən idorəon və umumi vırəonədə səhiyəvi protokolon rioyət kon.

Im iclosədə həmçınin Ostoro sepah təşkiloti fərmondə, palkovnik Behzad Ğənbəri bə de Koronavirusi mubarizə bardey xoto, Şəhid Sərdor Suleymani plani icra bey dəvomi işorəş karde iyən ım şəhrıstoni Korona ranqi zard bey, çı səhiyyə idorə iyən sepah təşkiloti miyonə bıə həmkarion sayədə bə hisobış varde ki de milləti həmkari iyən səyo cəhdon nəticə bə dast omə.