Qilonədə maşini kaştemoniro, 155 milyard tımən kredit ixtisos doə bəy.

Mehribonon səlom, şımə nımoj-rujəon ğəbul bıbun, lmruj mıburəkə Rəməzonə manqi 15 minnə ruj, İmom Həsən Muctəba(ə)-i milad ruji sorəqardışe, ım əzizə ruji bə şımə xıdmət təbrik ərz kardəm.

Dəvət kardəm dəmə bə ico bımandən və bə ımrujnə xəbə reportaj baxşi quş bıdənən.

Əzizə duston, 1450 qılə maşiniyə əbzaron bə Qiloni kaştemoni mexanizmi məcmuəon əlovə bıə.

Bə İRİB raporti əsos, Qiloni ditəsərrufat cihod idorə təchizat baxşi yol, bə fermeron dəvardə sorədə 155 milyard tımən bankiyə krediton doeku xəbəş do iyən votışe: de ım krediton vositə, 1450 qılə kaştemoni əbzor, bənə traktor iyən təxəssusi maşinon bə Qiloni kaştemoni əbzaron məcmuə əlovə bıə.

Heydəre Kamyab əlovəş do: dəvardə sorədə, 22 qılə traktor, 166 qılə bırzə kombayn, 622 qılə muxtəlifə tiler, 407 qılə bırzi kaştemoni maşin, və co qılə təchizoton bə Qiloni məcmuə maşinon əlovə be.

Əv ijən bə bırzi maşini kaştemoni məziyəton işorəş karde və votışe: istehsoli miğdori əlovə bey, fermeron xərcon kam kardey, istehsolədə keyfiyət, kaştemoni maşinon istehsoli sənaye bə inkişof rəsey, ostanədə maşini məcmuəon tojə kardey iyən istehsoli bə inkişof rəse in koy foydəonin.

kaştemoni mexanizasiya məziyətonku əcumlə karde bəznemon, bə ko saxtion kam bey, istehsoli əlovə kardey, ovi kam istifodə kardey, iyən kaştemoni əsosə mənbəon bənə ov iyən zəmini vey çok oqətey, işorə kəmon.