Sionist rejim bə suğuti marzi nez bıə.

əzizon səlom, şımə nımoj rujəon iyən ibodəton ğəbul bıbun, dəvət kardəm dəmə bə ico bımandən və bə ımrujnə xəbə reportaj baxşi ğuş bıdənən.

Ostoro şəhrıstoni cımə İmom votışe: Ğuds beynəl xalğə aksiyaədə İron iyən islami co kişvəron oğo və ozodə millət, deştə əzəmətinə iştiroki vositə, dəvardə zəmoniku vey sionist rejimi bə suğut nez kardeşone.

Bə İrna raporti əsos, Ostoro cımə nımoji xotbəonədə, Huccətul İslam Muhəmməd Cəvad Bağıri əlovəş do: Ğuds beynəl xalğə ruj, Fələstini hədəfon iyən şərifə Ğudsiku himoyədorəti cəhəto, qıləy təsirinə taktika bə hisob omeydə. Və Həzrəte İmom Xomeyni(r) bə dınyo subit kardeşe ki rişədorə mədəni koy bə modiyə əbzaron ehtiyocış ni, və de fikon karde bəbe koon bə vırə rosniyero, hozzo bıbemon.

Əv ijən əlovəş do: Ğuds beynəl xalğə ruji idia icod bey, de zalımon vədə mubarizə bardey bə islami fiki əsos be, və İslam qıləy beynəl xalğə din iyən Xıdo Rəsul(s)-i risolət həm, beynəl xalğə risolət be. bə həminə risoləti əsos, har kəs ki bəştə mısılmonə bıvə be tafot bıbu, həğiğiyə mısılmon ni.

Ostoro marziyə şəhrıstoni cımə İmom əlovəş do: Həzrəte Məhdi(əc)-i risulət Ədl iyən de zılmi muğabilə kardeye və bəpe ə Həzrəti zuhuri bənav, lm mubarizə de nohəxi mubarizə əkə ulqu bənə məşğ idomə peydo ko. Boçiki sionist rejim hiç vaxt Həzrəte Məhdi(əc)-i beynəl xalğə hukuməti siyosiyə coqrafiyaədə vırəş ni.

Əv ijən bə Urdibeheştə manqi 12 minnə ruj ki de ustad şəhid Murteza Mutəhhəri şəhodəti sorəqardışi bərobəre işorəş kardə iyən əlovəş do: pokə insonon tərbiyə iyən təlim doey, Xıdovənde Xalıği loyiğə bandəon iyən peyğəmbəron risulət bə hisob omeydə. İyən ictima elmiyə səthi bə inkişof rosnuyey cəhətədə, bəpe moəllimon və ustadon səyocəhdonku ğədrdonəti bıkəmon.