Qilonədə, şəkə leynə kaştemon bino bıə.

Mehribonon səlom, şımə jimon bərəkətin iyən şımə əhvol çok bıbu inşaəllah, dəvət kardəm de Tolışi Rədio bə ico bımandən və bə ımrujnə xəbə reportaj baxşi quş bıdənən.

Əzizon, Bəharə fəsli 44 minnə rujədə, Somesəra dionədə bıə boğəvonon, ıştə zəminonədə şəkə leynə kaştımoni bino kardışone.

Bə Qiloni Tele-Rədio aqentiyəti raporti əsos, Somesəra ditəsərrufat cihodi idorə mudir votışe: şəhrıstoni 22 hiktor zəminonədə, 75 nəfər şəkə leynə boğəvonon, ım məhsuli kaştey bino kardışone.

Əhməd Padyab əlovəş do: dəvardə sorədə, şəkə leynə əkaşton 25 ton siyo şəkəşon de 3 milyard tımən erji istehsol kardeşone ki veyni vujuronədə həvotə bıə.

Əv ijən əlovəş karde ki ım məhsuli kaştımon, prosnniye iyən çınyero kimyavi qubrə və zəhə istifodə bəni, ijən votışe: şəkə leynə kamilən təbii surəti istehsol bəbe iyən vey noxəşion bənə zardi, kamxunəti iyən favismi mıolicə kardeyro vey təsirış heste.

Ğeyd kəmon ki şəkə leynə çı Qiloni Somesəra şəhri soğationku qıləyni bə hisob omeydə.