8 qılə elektrik rosney plan ımsor Qilonədə bə istesmor bərəse.

Əzizə Tolışon səlom, şımə ruj bə xəyr bıbu, dəvət kardəm bə ımrujnə xəbə reportaj baxşi quş bıdənən.

Qiloni reqional elektrik idorə yol votışe: ımsor, ostanədə, 8 qılə muhim iyən zərroriyə plan, elektrik baxşədə bə istesmor bərəse.

Bə Qiloni İRİB raporti əsos, Qiloni enerji iyən elektrik təmin kardey iclosədə, Bəmən Darabzodə bə qamə fəsli nez bey işorəş karde iyən votışe: elektrik rosniyero Qilonədə 8 qılə lozimə plan icra bey holədəy, ki çəvonku 2 qılə oxonə mərhələdəy və proqonoz bıdə ki co planon həm tosə ımsori tovıstonə fəsli, bə istesmor bərəse.

Qiloni reqional elektrik idorə yol ijən əlovəş do: Rəşt şəhri stabilə elektriki təmin kardeyro, bə 3 qılə 63 kilo voltə elektrik aparəti ehtiyocıımone ta tovostonə fəslədə problemon şoyd məbəmon.

Im iclosədə, Qiloni ostandari passiv mudafiyə sistemi rəis həm enerji baxşədə, plan kəşey iyən ğərolon bə vırə rosniyeyro mıvcudə zərfiyəton iyən çı İroni milli budcəku istifodə kardey barədə xəbəş do.