Obodəkə bəsic çı İroni islamiyə inğilobi zumandə duşe.

Mehribonon səlom, şımə ruj bəxəyr bıbu, ımrujnə xəbə reportaj baxşi bə şımə təğdim kardəm.

Əzizon, de obodəkə bəsic təşkiloti təsis bey sorəqardışi həmzəman, Qiloni Sepah təşkilati fərmondə ın mınosibəti təbrik votşe iyən qıləy mesaji sadirış kardə.

Bə İRİB raporti əsos, Qeneral Muhəmməd Əbdullahpur həminə mesajədə təkidış karde: obodəkə bəsic, İroni inğilobi yolə Rəhbəri erjinə tədbiron iyən strateqiyaonku bə hisob omeydə ki islamiyə inğilobi barzə do, çimi sə əlovə zumand iyən səmərəninış kardə.

Əv ıştə mesaji dəvomədə ğeydış karde: ım bə milləti əsos bıə təşkilat, cihodi hərəkəton, fəğırəti məhv kardey planon və muğavimətiyə iğtisodi koon bə vırə rosniyey iyən Koronavirusi vədə mubarizə bardeyədə vey muhimmə roli ifoş karde.

Qiloni Sepah təşkilati fərmondə əlovəş do: məhrumə məntəğəonku fəğırəti sima məhv kardey, ehtiyocinə şəxsonro kəon dutey, muvasat humanistə kompaniya dəvoniyey iyən mominonə koməkon, Qilonədə çı obodəkə bəsic təşkiloti erjinə hərəkətonku bə hisob omeydə ki bə təğdiri loyiğin.

22 sor çimi bənav Ordibeheştə manqi 17, de İroni Yolə Rəhbər Həzrət Ayətullah Xamnei əmri bərobər, obdonəkə Bəsic təşkilot təsis be.