170 qılə Qilonıjə zair bə ımsornə təməttu həci vığandə bəben.

Xosə əməson səlom, şımə ruj bə xəyr bıbu, şıməro xəyr iyən səadət urzu kardəm, dəvət kardəm de ın reportaj dəmə bə ico bımandən.

Əzizon, ımsor, Qilon ostaniku 2 qılə ziorət kərvon bə vəhy sərzəmini səfəri vığandə bəben.

Bə İRİB raporti əsos, Qiloni həc iyən ziyorət təşkilati yol bə ostanədə zairon nomi ğeyd kardey prossesi bino bey, işorəş karde iyən votışe: ımsor, təmətto həcci mərosimədə iştirok kardeyro, İroni səmtiku, 39 həzo 650 nəfəriku vey zair, bə Ərəbiston səfər bəkan ki Qiloni səhm, 170 nəfər elan bıə.

Həsən Fəaal işorəş karde ki ımsor Qilonıjon, 2 qılə kərvoni ğolibədə, bə Ərəbiston səfər bəkarden.

Əv bə ım mənəviyə səfəri zairon vığandeyro, təiin bıə şəroyeti barədə həm, votışe: 65 sor sin iyən Koronavirusi har 3 qılə doza vaksini jəey, bə Ərəbiston səfəri lozimə şəroyetonku bə hisob omeydə.

Fəaal işorəş karde ki Xordadə manqi niməku zairon bə Ərəbiston vığandey, bino bəbe.

Korona pandemiya bəpeşt, ımsor i minnə sor bəbe ki Həc fərizə jığo umumi surəti bərpo bəbe ki Ərəbistoni tərəfo saxtə məhdudiyətoni çəy dəvoniyeyro ğeyd bıə.