Zəmanət hırye pul bə çayəvonon doə bəy.

Mehribonə əməson səlom, şımə cımə ruj bə xəyr bıbu, ımruj de co qılə reportaj şımə xıdmətədəm, dəvət kardəm dəmə bə ico bımandən və bə ım reportaj ki Qiloni çay havzə livə barədəy diğğət kənən.

Əzizon, tojədən 30 milyard tımən çı çay havzə livə zəmanət hıryə bıə pul bə İroni şimol çayvonon hisobi ekardə bıə.

Bə İRİB raporti əsos, İroni çayəvonəti idorə yol votışe: 1401 minnə sori çay havzə livə zəmanət hırye puliku, 30 milyard tımən ki fabrikaon səhm bəbe, bə Qilon iyən Mazəndəran çayəvonon bankiyə hisobi ekardə bıə.

Həbib Cəhansaz əlovəş do: Ordibeheştə manqi əvvəliku tosə bə ısət, 20 həzo 689 ton çay havzə livə de 180 milyard tımən erj, çayəvononku hıryə bıə ki ım miğdoriku 20 həzo 458 ton yəni 99 faiz i minnə dərəcə iyən co miğdor 2 minnə dərəcə be.

Əv həminə mıddətədə bə 4 həzo 655 ton hışkə çay istehsoli işorəş karde iyən əlovəş do: tosə bə ısət İroni şimol çay hıryero, 165 çay istehsol fabrika de İroni çayəvonəti idorə təvafuğ kardəşone.