Qilonədə 100 faiziku vey, bırzi təvafuği kaştemoni bə vırə rəse.

Mehribonon səlom, şımə ruj bə xəyr bıbu, ımruj həm qıləy reportajه bə şımə xıdmət təğdim bəbe ki bırzi kaştemoni barədəy, dəvət kardəm dəmə bə ico bımandən iyən bə ım reportaj quş bıdənən.

Qiloni ditəsərrufat cihod idorə yol, ım ostanədə 16 həzo hiktoriku vey bicoronədə bırzi təvafuği kaştemoni plani icra beyku xəbəş do.

Bə Qiloni Tele-Rədio aqentiyəti raporti əsos, Saleh Muhəmmədi votışe: de diğğət bə ditəsərrufat cihodi vəzarətxonə tədbiri, ki bə 15 həzo hiktor Qiloni bicoronədə, təvafuği kaştemon plani icra bey təkidış kardə, ımsor ım plan 16 həzo 189 hiktor, çı ostani bicoronədə icra bıə.

Əv bə Qilonədə, həminə plani icra bey çərçivədə 300 həzo fermeron həmkarəti işorəş karde iyən votışe:  Qilonədə bırzi istehsoliro, 500 toniku vey isloh bıə donə fermeron miyono təğsim bıə.

Qiloni ditəsərrufat idorə yol ijən votışe: həminə palnədə, bırzi kaştemoni iminnə məteriyalon əcumlə donə, qubrə, kimiyavi zəhrə, bimə və hətto texniki tovsiyəon, fermeron ixtiyorədə ğəror qətedə və məhsuli qırdə kardey bəpeşt, istehsol bıə bırz ya şəltuk de ruji ğəyməti hıryə iyən çəy xərcon, məhsuli erjiku kam bəbe.

Qilon çı şimoli ostanon miyonədə, de100 faiziku vey təvafuğ kaştemoni , İronədə 2 minnə vırə soybe.