Qilonədə bırzi kaştemoni çokə vəziyət.

Əzizə tolışon, 80 faiziku vey çı Qiloni bicoronədə iyən de fermeron zəhməti vositə bırzə tum kaştey bıə.

Mehribonon səlom, şımə ruj bə xəyr bıbu, şıməni dəvət kardəm dəmə bə ico bımandən iyən xəbə baxşi dəvomədə bıməsən ımrujnə reportaji.

Əzizə tolışon, 80 faiziku vey çı Qiloni bicoronədə iyən de fermeron zəhməti vositə bırzə tum kaştey bıə.

Bə İRİB raporti əsos, televeziya xəbə baxşi mısohibə ğolibədə, Qiloni ditəsərrufat cihod idorə yol votışe: bə ostanədə tojə voşi xoto kali məntəğəonədə ovi kam bey muşkilaton tikəy həl be iyən ısət 190 həzo hiktoriku vey yəni 81 faiz Qiloni bicoronədə bırzə tumi kaştey əncom bıə.

Əv votışe: ımsornə sori kaştemonədə, muxtəlifə məhəlliyə bırzon əcumlə Haşımi iyən Əli Kazımi tumiku istifodə bıə.

Saleh Muhəmmədi əlovəş do: Qiloni kali məntəğəonədə ki Sefidrud səddi ovi kanali royədə ğəror qətəşon ni, bırzi kaştemon de ditəsərrufat kanalon ovi, nasus stansiya, çolə iyən voşi vositə, rəy-rə əncom bey holədəy.

Əv ijən tosə vəoməy rujon, bə ostanədə bırzi kaştemoni koon sə bey işorəş karde və bə fermeron tovsiyəş be ki ın rujonədə bırzə tumi kaşteyro, voşə oviku istifodə bıkon.