Masali bandonədə kino qədə şəhr Cinema Village inşa bəbe.

Masali bandonədə kino qədə şəhr Cinema Village soxtey bəbe.

Masal şəhri şəhrdor Bağır Kazımi de Masalnews sayti jurnalisti votemoni faxti bə de Giloni Tele-Radio Şirkəti rəyisi Masal şəhrədə bıə iclosi işorəş karde və voteşe:bə çəmə de Giloni tv miyono imzo kardə bıə memorandumi əsos,Masali bandonədə bo kino kəşey xoto qıləy kino qədə şəhr soxtey bəbe.

 Kazımi ıştə sohbəti dəvomədə bə ım imzo kardə bıə mığovilıə işorəş kardə və votəşe:Masali bandonədə çəmə vişə park 200 hektariku iborəte və çəy həmçinin 25 qılə Cottage ya kuməon həm hesteşe ki,çımonku bo kino soxteyro Tele-radyo Şirkət oko bədoe.

Əy voteşe:ım qədə şəhr məntəğədə bıə bə ğədimi iyən bumiyə memarəti əsos inşa bəbe və çı seryal iyən filmon Locations ya kəşə vırə umvanədə çəyku istifodə bəbe.ım vırə həmçinin bo turiston istifodəro həm çəvon ixtiyorədə ğərol doey bəbe.

Imi həm bıvotəmon ki,Masal şəhrədə həmçinin çı Giloni tv şobə oj bəbe və tolışi zıvonədə proqramon hozzı iyən bə efir doey bəbe.