Tolış bo Nəvuzə idi hozzı bedə.
Tolışi məntəğəon bo Nəvuzə idi hozzı bedə.
Bə "Məryan" xəbə məlumati əsos, bə Hicri-Şəmsi 1396-ə Nəvuzə idi ayid Həştpərədə iminə iclos dəvordıney be.bə Tolış şəhri şəhrdor Həsən Məhəmmədpuri votey əsos,ım iclos nav İdi bo milləti koon hoston kardeyro təşkil bıə.
Həsən Məhəmmədpuri bın iclosədə sıftə dəvardə 24 saat-ədə voə voye behronədə bə roon təmiz iyən oj kardə onemonon ğədrdonətiş karde və ğeydış kardə ki,bo milləti Nəvuzə idi çoko lozıme ğeyd kardeyro,lozımi təşkiloton ıştə vəzifəon bəbe çok-çoki bə vırə bırosnon .yəni bo milləti idi dəvordıneyro çəvon koon hoston kardə komitə iyən onemonon bə səfə kardə kəson fərhənqi iyən trafiki məlumaton doey, istirohət iyən turisti vırəon nışon doey iyən co məlumaton rosneyro və de lozım bıə təchizat və nəğliyyaton çəvon xıdmətədə bieyro, bəbe hozzı bıbon.ımi həm bıvotəmon ki,Nəvuzə idi bədiqə İronədə 2 haftə rəsmi tətil bedə və İroni camaati veyni boştə tətilə rujon dəvordıneyro bə giloni ostani məxsusən bə tolışə məntəğəon tərəf dim qəteydən.
