Tolış şəhri fərmondor: tolışon vəhdət və həmdıləti çəmə fəxre
Tolış(Həşpər) şəhri fərmondor çı şəhri sınniyə nımoj votə kəson cəmədə votışe: vəhdət və həmdıləti çı şəhri fəxr bə hisob omedə.
Bə Məriyan Xəbər sayti elanon əsosi Tolış şəhri fərmondor seyd İsa Məhdəvi Tolış şəhri Muhəmmədiyə nomo bə sınniyon məçitdə votışe:devləti həmmə fəaliyyət ıme ta cəmaəti problemon həl kardeyu həmdıləti iyən həmkarəti karde şərayeti icod bıkə.
Tolış şəhri fərmondor votışe: tolışə cəmaət aqah və nəcobətin hestin və bəpe çimisə ve bəvon xıdmət bıbo.
Tolış şəhri fərmondor votışe: devlət dəvardə soronədə mıxtəlif imkanon və şərayetonku bəhrə bardeədə mıxtəlif sahonədə çokə xıdmətonış rosniyə devlət muğavemətiyə ixtisadi əsos ğəror doeədə məxsusən bə dion imkanon və şərayeton əhəmmiyyət doeədə ım baxşədə çokə xıdməton təğdim karde fikədəy ta divojon çokə qozəranışon bıbo.
Tolış şəhri fərmondor həmçinin Tolış(Həşpər) şəhri sınniyə cəmaəti huzuriku inğilabi mıxtəlif mərasimonədə təşəkkurış karde.
