Tolışi 90 qılə məzhəbi heyətədə "Əyyami - Fatimiyyə " mərosimon bərpo be.
Tolışi 90 qılə məzhəbi heyətədə "Əyyami - Fatimiyyə " mərosimon bərpo be.
Tolışi İslamiyə təbliğatiyə idarə rəis bə Həzrəte Fatimə (s) aid bə da ruji mərosimi bərpo kardeku xəbəş do.
Tolışi İslamiyə təbliğatiyə idarə rəis Huccətuleslam Həsən Məlayiki de məryan xəbə jurnalisti mısohibədə bə Fatimə əyyami işarəş ka və votşe:
vəhabiyon və radikalə hərəkəton pidəşone ın əyyam kamranq bıbo.
əmmo əmə bəpe hərəkət bıkəmon bə ın əyyami ehtırom bınəmon və əlbətə məsələon pılan nıbo ki, mısılmonon miyono dışmenəti ve bıkə və co qılə məzhəbon mığədəsə çion təhğir bıbon. əv bəyonış ka inki 90 qılə ku ve məzhəbiyə heyəton Tolış şəhrdə ın əyyamiyo əzodorəti bəkan və dəvomədə votışe: har çəxtə zınedən Həzrəte Zəhra(s) məğam məzelətiku bıvotən və əzodorəti bıkən və ixtılof bə vocod ədə məsələon ın bərnamədə nıbo və təkidışon ka bəpe icozə nıdəmon İslamiyə erjon mətboat, filmon və informasiyaonədə kam ranq bıbon və bəyonışon ka əqər erjon ictimayyətdə sıst bıbon, əmə dışmeni vədəpənoh qomon ni bə be.
Həzrəte Ftimə(s) mənəvi perosniye və mərifət və əhle beyt(ə) və islam ro və rəsmon əncom doə kəsonyoy qıləy yolə sərmayəy ta de ın yolə xanımiku olqo peqəte hərəkət bıkən mənəviyət və erjon mıhofizə kardeyroyku ictimayyətdə əməliyə hərəkəton peqəton.
