Azərbaycan Respublika Masalli şəhri cumə imom bə 1 manq həbs məhkum bə.
Masalli tolışə şəhri məhkəmə çı şəhri cumə imom şeyx haci Sərdar Həsənli bə 1 manq həbs məhkum kardə.
Azərbaycan Respublika Masalli şəhri cumə imom bə 1 manq həbs məhkum bə.
Masalli tolışə şəhri məhkəmə çı şəhri cumə imom şeyx haci Sərdar Həsənli bə 1 manq həbs məhkum kardə.
Masalli şəhri icra hakimi tərəfiku bə ım şəhri cumə imomi zid qıno elan be bəpeştə məhkəmə zinə əsrə vaxti qıləy iclosədə və bə qıləy sifarışiyə məhkəmə əsosi ım məşhurə tolışə ruhani pesoxtə bə bıhtonon və sıxanon əcumlədə ironi dini elmiyə mədrəsonədə təhsil karde xoto azərbaycan respublikaədə dini təbliğatiyə icazəş ni əy Boku Kurdxanə zindonədə bə 1 manq həbs məhkum kardedən.
Bə Azərbaycan Respublika milliyə məclisi ğanoni əsosi Azərbaycan Respublikaku bə kəno diniyə mədrəsonədə təhsil kardəkəson ım məmləkətdə təbliğ karde həxışon ni.
Desbə ısət xəyli diniyə fəalon və islamiyə təşkilaton əcumlədə Azərbaycan Respublika ruhaniyon məclis islam partiya və diniyə bovəon zindoniyonku mıdofiyə mərkəz həmçinin rusiyə yolə ruhaniyon bə ım məsələ na ədolətin be işarə və çəy vədə reaksiyaşon nışon doə.
Şeyx haci Sərdar Həsənli Azərbaycan Respublika ruhaniyon məclisi uzv və Maidə AZ nomo bıə sayti sərredəktor və Masalli tolışə şəhri cəmaəti miyonədə nufuzsoybə şəxsiyyətikuy ki ironi diniyə elmon mədrəsədə təhsilış dəvoniyə.
