Əsalumi cımə imom:Ərdoğan odəm bıənin ni.

Əsalumi cımə imom:mılxəs,Ərdoğan odəm bıənin ni.

Əsalumi cımə imom zinə əynə ruji ki,çın şəhri musəllada bərpo be, cımə nımoji xutbədə voteşe:deməkə ki,Yolə rəhbəri bəy veyə nəsyətonış karde,əmmo ijən Ərdoğan odəm nıbe.

Bə"Məryan xəbə" sayti məlumati əsos,Əsalumi imom cımə huccətul-islom Codayi cımə nımoji dıminə xutbədə bə Yolə Rəhbəri Tehronədə bərpo bıə Fələstin Beynəlxəlğə Konfransi işorəş karde və voteşe:dəvardə haftə Tehronədə de dınyo 150 kişvəriku iborət mehmonon huzuri vositə bə Fələstini məzlumə milləti mığoviməti ayid bıə şəşminə konfrans təşkil be.bın iclosədə Yolə Rəhbər iştirokış karde və bo Amerkə mısılmınon rəhbəri yəni Malkom İksi rufi şo bıero qıləy fatihəşon hande.

Codayi ıştə sıxanon dəvomədə bə Suriyə hodisəon,həmçinin bə "Suriyə,Rusiyə İron iyən Hizbullah təşkil doə koalisiyə işorəş karde və İsrayli mənafeyon de təhlukə dim bə dim oemy barədə qəpış je.

Əsalumi İmom cımə peşo bə Səudiyyə Ərəbıstoni de Tırkiyə yolon bə ironi ələyh bıə sıxanon işorəş karde və voteşe:deməkə ki,Yolə Rəhbəri bə Ərdoğani ziyodə nəsyətonış karde,əmmo əv odəm bıənin ni.