Tolışə şəhronədə bıə ruhaniyon kərimə ğıroni imtihan bərnamədə iştirakışon karde.
Tolış(Həşpər) Rizvanşəhr Ostoro və Masal şəhronədə bə ruhaniyon Tolış şəhri islamiyə təbliğat idarə nəzorəti jiyədə kərimə ğıroni imtihan bərnamədə iştirakışon karde.
Bə Məriyan xəbər sayti elanon əsosi Qilan ostani Astane Əşrəfiyyə şəhri islamiyə təbliğat idarə rəis huccətul islam Nadir Yusefi huzurədə Tolış(Həşpər) Rizvanşəhr Ostoro Masal şəhronədə bıə ruhaniyonku kərimə ğıroni imtihan Tolış şəhri islamiyə təbliğat idarə tərəfiku bərpo be.
huccətul islam Yusefi ım imtihani bərpokardəkəs ıştə sıxanonədə kərimə ğıroni şifahiyə imtihani əvvələdə votışe:kərimə ğıroni məhcuriyətiku xaric kardeyu bərnamonımon heste və ıştə sıxanon dəvomədə əlavəş karde çəmə vədə bə bərnamə ıme ki məçitonədə kərimə ğıroni bəpe məhcuriyyətiku xaric bıkəmon ta yolə Xıdo kəlomi həx Xıdo kədə bərpo bıbo və əqər Xıdo kəlomi həx çəy kədə bərpo nıbo bəpe intizarımon nıbo ki coqlə vıronədə bə ım məsələ diğğət bıdən və kərimə ğıroni məhcuriyyətiku xaric kardeyu bəpe ıştə fəaliyyəti məçitonku təşkil bıkəmon.
huccətul islam Yusefi ıştə sıxanon dəvomədə əlavəş karde bə kərimə ğıron bənə qıləy əslımandə nıvıştəy bəpe nığıl diğğət bıbo və bəpe mıxtəlif səthədə bə kərimə ğıroni təlim məçitonədə bıə ruhaniyon əsosə bərnamonku bıbo.
