Rizvonşəhri şəhrıstoni zəkoti xeyxahonku ğədrdonəti bıə
De şəhri iyən ostani rəsmi şəxson iştioki vositə, Rizvonşəhri zəkoti xeyxahon, iştirokəkəyon və amilonku ğədrdonəti bıə.
Bə Tolışi Rədio mərkəzi raporti əsos ki Tabnak aqentiyətiku nəğlış kardə, Rizvonşəhr şəhrıstoi zəkoti vey çokə xeyxahon, iştirokəkəyon və amilonku ğədrdonəti kardey mərosimədə, Rizvonşəhri fərmondor, Seyd Nader Səfəvi Mirməhəlle votışe: xeyxahon, şəhrıstoni sərmoyəonin və de çəvon himoyəon vositə, vey ehtiyocinə ailəon dılon bə jimoni umu dəbastey mığdor vey əlovə bıə.
Rizvonşəhri Sepah təşkiloti fərmondor iyən cımə İmom, həmçınin Qilon ostani imdod komitə zəkot və milləti həmkoətion muavin həm ım mərosimədə iştirokışon be.
Im mərosimi oxoədə, 80 nəfər Rizvonşəhr şəhrıstoni vey çokə xeyxahon, iştirokəkəyon və amilonku ğədrdonəti bıə.