Turizm, çı Qilon və Ərdəbili inteqrasiya mehvər

Bə Ayətullah Ameli təklifi əsos, Səreyn və Masulə turizm məntəğəon bə yande dəçokney bəben.

Bə Tolışi Rədio raporti əsos ki Talışıston Niyuziku nəğlış kardə, Ərdəbil ostanədə bıə vəli Fəğih nımoyəndə, Ayətullah Seyd Həsən Ameli de Xəlxali Ləmə Dəşti di əholi vindemonədə votışe: Kulur-Derami caddə ki Ərdəbil ostani bə Zəncan ostani dəçokney bois bəbe, turizm sənaye zumand kardeyədə vey muhimmə roli ifo kardedə.

Ərdəbili cımə İmom ijən əlovəş karde: təklif kardedəmon de daxıli və xarıci turizmon cəzb kardey hədəfi, har çəxtə rə Səreyn-Masulə turizmi mehvər komil bıbu.

Əv ijən işorəş karde ki həminə plani xərciku i baxş, və bə 80 milyard tımən nezi nati budcəku təmin bıə, və ijən votışe: Səbəlan 13 qılə qamə ovi çəşmə soybe ki de ım zərfiyətiku istifodə kardey karde bəznemon Masulə turizmon bə Səreyn səmti cəzb kəmon.

Ayətullah Seyd həsən Ameli ijən tələbış kardə ki Şal-Masulə-Macolan roy həm komil bıbu.

Çand həzo turizm bə Səreyn və Masulə varid bey, qıləy fırsəte ki de turizm zancirə komil kardey vositə, Ərdəbil və Qilon ostanon dəvardəku vey bə yande nez bıbun.