Rəşt-Ostoro osınə ro planiku, İron və Rusiyə rəsmi şəxson vindemonışon kardə
İron və Rusiyə rəsmi şəxson, Rəşt-Ostoro plani instrukturonku vindemonışon kardə.
Bə Mehr aqentiyəti raporti əsos, İroni osınə ro, bəndəron və şəhr soxtey və roy vəzarətxonə muavin Əbbas Xətibi və Rusiyə nəğliyoti vəziri muavin iyən çəy aliyə heyət, zinə Dışəmbə rujədə qıləy 1 rujə səfəri cərəyonədə, Rəşt-Ostoro osınə roy instrukturonku vindemonışon kardə.
Im səfərədə İron və Rusiyə rəsmi şəxson de Rəşt-Ostoro osınə roy plani fiziki inkişofi prossesi təğib kardey vositə ım plani strukturon komil kardey metodiku məlumat kəsbışon kardə.
Bə İron və Rusiyə təvafuğon əsos vəoməy sori əvvələdə, 2 qılə kişvəri miyono moli təmin kardey təvafuğon əncom bəbe.
Rəşt-Ostoro reylz xətton de 162 kilometr, Bəndəre əbbas tosə Rəşt və çəyku bəpeşt, Rəşt tosə Ostoro, Şimol bə Cənubi koridori komiləkəy ki dəy komil kardey vositə İron Azərbaycan Respublika royku bə Rusiyə və Avropa şimol dəçokney bəbe.
