Tolış şəhrıstoni Cokəndan stil bəyji bəbe
Qıləy iclosədə de Tolış şəhrıstoni fərmondor, Qiloni ekoloqiya təşkiloti stilon rəyis, bə milləti əsos bıə təşkilaton nımuyəndəon və ekoloqiyaədə bıə fəalon iştiroki, Tolış şəhrıstoni Cokəndan stili bəyji kardey barədə bə ğərol omin.
Bə Tolışi Rədio raporti əsos ki Tolışıston Niyuzku nəğlış kardə, Tolışi fərmondor, Cokəndan stili bəyji kardey iminnə iclosədə, bə Tolış şəhrıstoni təbii mislış nıbıə zərfiyəton işorəş karde və votışe: Cokəndan stil, bənə Qilon ostani təbii cazibəonku qıləyni bəpe bəyji və mıhofizə bıbu ki həminə barədə bəpe lozimə bərnoməon icro bıbu.
Im iclosədə ru roy məhdudə təyin kardey, ovi çoknə təğsim kardey və həmçınin Cokəndan stili oqəteyro bə harcurnə vey rə hərəkəton əncom doeu təkidış kardə.
Cokəndan stil de 280 hiktor hevujəti Tolış şəhrıstoni təbii vey yolə stilonku bə hisob omeydə ki beməyon və həyvonon cəhəto vey muxtəlifə curon soybe.
Im stili ovi ehtiyacon, fəsli və voş ruonku təmin bəbe.
