Talışədə vəş qətey hodisəon vey kam be

Talış şəhrdori xidməton mərkəz votışe: 1401 sorədə ın şəhrədə vəş hodisəon dəvardə sori muğaisədə 46 faiz kam be.

Bə Tolışi Rədio raporti əsos çı Talışan Niyuz sayti nəğliku izhorış karde: Talış şəhri vəşokoştə məuron də vardə sorədə bə 167 qılə məmuriyəti vığandə bıən ki 31 qılə kə, 15 qılə mağaza, 62 qılə alaf-zibilon, 8 qılə vişə, 28 qılə maşin iyən 23 qılə co çionku iborət be.

Muhəmməd Rıza Xorşidi təsdiğış karde: Talış şəhrıstoni imdod məmuron dəvardə sorədə 50 nəfəri liftonku, 15 nəfəri məhbusə vırəon, 15 nəfəri caddə təsadufon, 51 nəfəri çı vəhşi həyvonon iyən 19 nəfəri co bəloonku xilos və bə zələl vində kəson xidmət kardəşone.