Qilon ostanədə Nəvuzə ididə turiston iğomət kardey 89 faiz ve bıə

Qilon ostani dasti sənaye və turizm irsi idorə mudir ostanədə 1402 minə sori nəvuzə idi səyohət əkanış 12 milyon nəfəri sə ve iğomət kardeko xəbəş do

Qilon ostanədə Nəvuzə ididə turiston iğomət kardey 89 faiz ve bıə.

Qilon ostani dasti sənaye və turizm irsi idorə mudir ostanədə 1402 minə sori nəvuzə idi səyohət əkanış 12 milyon nəfəri sə ve iğomət kardeko xəbəş do.

Bə Qiloni tele rədiyo xəbəriyə mərkəzi raporti əsos Vəli Cəhani votışe:

Im sornə Nəvuzə iddə 12 milyono 90 həzo nəfər ostani iğomətiyə mərkəzonədə  şəvədə iğomətışon bıəki in ədəd ta bə Fərvərdinə manqi 14 minə ruj ğeyd bıə və nisbət bə dəvardə sori 89 faiz ve bıəy.

Əv votlşe ımsornə Nəvuzə iddə bə Qilon ostan 30 fazi səyohət əkə vı bıə və əlovəş ka bə səfə xidməton həmohənqəti mərkəzi raporti əsos ımsornə Nəvuzə ididə 11 milyono 590 həzo 774 nəfər bə Qilon ostan səfəşon kardə.

Qiloni dasti sənaye, turiz və fərhənqi idorə mudir ım sornə Nəvuzə iddə həm bə Olon ostan xariciyə turiston 61 faiziyə iğomət kardey işorə kardey votışe: 305 nəfər xariciyə turist Az.R, Rusiyə, Portiğaliyə, Tırkiyə, İrağ, Əfğanıston, Monqılıston, Uzbəkıston, Çin, Hindıston, Livan, Koreyə, İsveçıko 1402 minə sori Nəvuzə iddə Qilon ostanədə iğomətışon bıə.