Dini fəalon məhkəmon şedən
Jul 17, 2024 14:43 Asia/Tehran
Azərbaycan Respublikaədə 2024-minə sori əvvəliku de narkotik ittihomi dəstqir kardə bə dini fəalon məhkəmon şedən.
Bə Toliş Media Martədə dəstqir kardə bə Masalli rayon əji məhkəmə iyuli 10-də bə opəx rəsə. Əv, de Lankon Qonə Cinayəton Məhkəmə hukmi 5 sor ozodətiku mərhum kardə bə.
In şəxs de Cinayət Məcəllə 234.4.3 (bo həvate məğsədi kulli miğdarədə narkotik bə dast varde, kırnie, oğəte ) maddə ittihom bedə.
Eyni rujədə Boku Qonə Cinayəton Məhkəmədə 3 kəs dini fəaliyyət koy ro məhkəmə proses bino bə. Imon Mısılmon ibeəti Hərəkati uzvin ki çəvonku i nəfər fevrali 2-ku dəstqirətiıdəy. De hakim Mahmud Ağalarovi Sərdorəti dəvonə məhkəmə prosesədə əçe anket məlumaton dəqiq kardə bən. Məhkəmə bə iyunə manqi 19 təyin kardə bə.
