Azərbaycan Respublika ğanun noə kəson, de Amerkə hərbi muğavilə xarıc bey tələbışon kardə
Azərbaycan Respublika ğanun noə kəsonku qıləy qrup, Buko-Vaşinqton rabitədə və de Amerkə hərbi muğavilə Azərbaycan Respublika xarıc bey tələbışon kardə.
Bə İrna raporti əsos, Azərbaycan Respublika ğanun noə kəson bə ım kişvəri xarıci vəzir, Ceyhun Bayramev qıləy məktobədə elonışon kardə: bə Amerkə xarıci vəzir, Antoni Blinken, kali Amerkə nımoyəndəon parlamenti uzvon və senatoron Oktiyabrə manqi 12( Mehr manqi 12) minnə ruji məktob, anti Azərbaycan Respublika irğçi beədoləti və be ehtıromətiku pur iyən votımon və beynəlxalğə prinsipon əkse.
Bə Antoni Blinkeni xitob, kali Amerkə nımoyəndəon parlamenti uzvon və senatoron məktobədə omə: bo həmmə siyosi zindonion, qirov peqətə kəson və canqi əsiron əcumlə Ermənion təziğ varid bıbu ta COP29 nomo iğlim ya həvosəti iclosədə bo muvəffəğə diplomatiyaro vey mınosibə fəzo icod bıbu.
Ğərore Milodi ayəndə manq yəni Noyabrədə, Azərbaycan Respublikaədə, COP29 nomo iğlimi iclos bərpo bıbu.
Azərbaycan Respublika ğanun noə kəson etırozi məktobədə ki kali mediyaon çəy miğdori 43 nəfər ğeyd kardışone, omə: bə Blinken, Amerkə konqresi uzvon nomə nışo dodə ki Vaşinqton, de Boku stabilə 2tərəfiyə rabitəon oqətey meylış ni.
Azərbaycan Respublika ğanun noə kəson ijən elonışon kardə: Amerkə de Azərbaycan Respublika ərazi təmamiyyəti rəd kardey vositə, həmişə məntəğədə bo qıləy tojə davey icod kardeyro zəminə icodış kardə və Buko bə hərbi həmlə iyən irğçi cəhəto qenosid mıttəhəm kardəşe.
