Tolışədə de mərhum Doktor Əli Əbduli nomi dərsi sinifi nom noey

Qıləy çokə hərəkətədə və de Tolış şəhrıstoni Həştpəri şəhid Modərresi məktəbi şoqirdon həmkoəti iyən bə ım məktəbi mudiri ğəroli əsos, ım məktəbi sinifonku qıləyni de İroni  tat və Tolış şınosə təsisəkə, mərhum Əli Əbduli nom noə bıə.

Mərhum Doktor Əli Əbduli, Tolışi şair, ənıvışt və təhğiğəkəy ki Tolış və Tat ğıvmon zıney baxşədə fəaliyət əki. əv Həşi 1350 minnə soronədə ıştə təhğiği koon binoş kardə və təğribən 25 unvan kitob və çand da qılə məğalə, Tolışi ğovm, ədəbiyot, mədəni, Tolış və Tat baxşonədə muntəşirış kadə və 2 qılə məcmuə şer de Farsi-Tolışi və tati zıvonon soybe ki muntəşir bıə.

Doktor Əli Əbduli  Tolışi ğovmon ənıvışt, təhğiğəkə iyən şaire ki Həşi 1330 minnə sori Mordadə manqi 25 minnə rujədə bə dınyo omə iyən Həşi 1402 minnə sori Xordadə manqi 26 minnə rujədə bə rəhmət şe.