Vəhdət haftədə mısılmonon miyono i bey mehkəm kardey

Tolışədə şiə və sınni alimon ham fikəti iclos bərpo be.

Tolış şəhrıstoni cımə İmom votışe: Tolış şəhrıstoni millət, Peyğəmbəre Əkrəm(s)-i pərçəmi jiədə de vəhdəti oqətey, qıləy yeqanə dastin.

Bə Qiloni Tele-Rədio aqentəti raporti əsos, ım mərosimədə ki Tolışi sınni əholi elmiyə hozzədə bərpo bıə, Tolış şəhrıstoni cımə İmom, Huccətul İslom Muctəba Nurzad de vəhdət haftə təbrik votey bəpeşt votışe: İslomi umməti vəhdət de həğiğiyə kəlimə, Tolışədə mevcude və  Tolış şəhrıstoni millət, Peyğəmbəre Əkrəm(s)-i pərçəmi jiədə de vəhdəti oqətey, qıləy yeqanə dastin. iyən şiə və sınni əholi ayiləon deyande vəyə kardey, mısılmonon vəhdəti bədənədə İlohi nuri pevelo kardışone.

Im iclosədə, Tolışi sınni əholi elmiyə hozzə rəsmi şəxs, Ezzət Şeyx votışe: şiə və sınni əholi alimon elmi nezəti, İslomi iştimoiyəti erjon oqətey boyis bəbe.