AİHM de Azərboyconi band dı ğərorış elan kardə

Sentyabri 19-də Avropa İnson Huğuğon Məhkəmə (AİHM) Azərboyconiku omə şikaton band dı ğərorış elan kardə.

İminə ğəror AXCP uzv Cabbar Savalanlı de narkotik ittihomi bə cinayət məsuliyyəti cəlb karde anqıle.
Bə əçey vəynə ittihomon pesoxtə, narkotiki əçe səpe polison tərəfo noə be iddio kardə Savalanlı ədolətinə məhkəmə tədğiği huğuği darıştə beku şikatış doə be. Məhkəmə Cabbar Savalanlı iddion əsosinış hisob kardə və muəyyənış kardə ki, polison əy qətə 1 ruji bə peş ko sənədinışon kardə,  lozim bə faxt de vəkili təminşon kardə ni. Bın sualon Azərboyconi dılətonə məhkəmə oşkoəti nıvarde məlumatədə ğeyd kardə bə.
Avropa Məhkəmə Konvensiya 6.1- maddə darıştə be ğərorış doə.
Bə doə ğərori əsos, hokumət bə Cabbar Savalanlı 4500 avro mənəvi zərər və xarc, məsrəf əvəzi doəniye.
Cabbar Savalanlı 2011-minə sori fevralədə de Cinayət Məcəllə 234.1 (narkotikiku istifadə) maddə dastqir kardə, mayə manqədə 2 sor 6 manq ozodətiku məhrum kardə, həmonə sori dekabrə manqədən de əfv fərmoni ozod kardə bə.
Dıminə şikat Media Huğuğ İnstitutiku vığandə bə (MHİ).
Ğərorədə Media Huğuğ İnstituti 2006-mınə sorədə çe ğeydiyyato dəvarde, informasiya iyən ifodə ozodəti huğuği anqıl muxtəlif layihon bə jimon dəvonə ğeyri-hokumət təşkilot be votə bedə.
Təşkilot AİHMi vədə iddio kardə be ki, çəvon informasiya ozodəti iyən ədalətinə məhkəmə tədğiğ huğuğ darıştə bə. AİHM ın ərizəş ğəbul kardə ni.