Masal iyən Şandermənədə de Şəhid Yəğub Doləti pokə bədəni vido kardey
Sep 23, 2024 14:01 Asia/Tehran
Masali cami məçitədə iyən Şandermənədə de şəhid Doləti pokə bədəni vido mərosim bərpo be.
Imruj Masalədə ım şəhidi pokə bədəni təşyi mərosim bətpo bıə.
Şələmçə məntəğədə oxonə nəvey əməliyoti mıddətədə, şəhid Yəğub Doləti pokə bədən peydo iyən çəy şəxsiyət və nom məlum bıdə.
Şəhid Doləti pokə bədən, məntəğədə mande be və nomış məlum nıbıə şəhidonku bə hisob omeydə be əmmo 38 sor bəpeşt, de İslomi İnğilobi Sepah təşkiloti şəhidon nəve komanda vositə, çəy pokə bədən peydo iyən çəy nom zıney bıdə və bə Masal şəhrıstoni Sepah elon bıə.
Votey lozime ki Hicri Şəmsi 1345 minnə sorədə, Şəhid Yəğub Doləti Masali Miləsəro diədə bə dınyo omə iyən həşi 1365 minnə sorədə və 20 sorədə Şələmçə nomo əməliyotiyə məntəğədə bə şəhodəti məğom rəse.
