De vəhdət haftə mınosibəti, Qiloni ğovmon festival bərpo be

Qiloni ostandar votışe: ımruj həmmə ğovmon de adət-ənənon oqətey, de mehribonəti və hamdıləti kişvərədə de ıyande kənoədə jimon kardedən.

Bə Qiloni Tele-Rədio aqentiyəti raporti əsos, ım mərosimədə Qiloni ostandar de işorə bə Qiloni muxtəlifə ğovmon adət-ənənon mərosimon yolqətey əhəmiyyət votışe: bəpe ım adət-ənənon ki Qiloni kanə adət-ənənonku bə hisob omeydə oqətə bıbu və bə vəomə nəsl ovoştoniyə bıbu.

Doktor Əsədullah Əbbosi ijən əlovəş kardə: ımruj həmmə ğovmon de mehribonəti, vəhdət və hamdıləti deyande kənoədə jimon kardedən.

Əv ijən votışe: Qilon veyə zərfiyəti soybe və bəpe ım zərfiyəton de bə milləti əsos bıə təşkilaton zumand və şo, umu və hamdıləti milləton miyono vey bıbu.

İjən ım mərosimədə Ostoro şəhrıstoni sınni əholi ruhaniyonku qıləyni, Huccətul İslom Bəni Fulad bə şiə və sınni əholi miyono ittifoğ və vəhdəti oqətey təkidış kardə və votışe: ımruj şiə və sınni İroni İslomi İnğilobi çətri jiədə deyande jimon kardedən və bəpe ım həmdıli və vəhdət oqətə bıbu.