Həkim səhlənkorətiku bə koma eqıniyə əğılı valideyni Prezidentiku koməkış piə

11 sininə Babazadə Xədicə 6 manqe ki, həkim səhlənkorətiku koma holədəy.

Həkim səhlənkorətiku bə koma eqıniyə əğılı valideyni Prezidentiku koməkış piə11 sininə Babazadə Xədicə 6 manqe ki, həkim səhlənkorətiku koma holədəy.Valideyn Şahnoz Mehdiyeva votdə ki, 2024-minə sori fevrali 21-də istə kinə bo dandon mualicə ro bə Boku Tibb Mərkəzədə ko kardə stomatoloq Bəhruz Rustəmovi tonoş vardə.“Əğıl darzəniku tarse ro mualicə de sedasiya (pasienti de sedativ vasiton və narkotik analgetikon , kali kərə de hipnotik dəmonon vasiton key karde ) ro barde təklifım doe. Əmə sedaşıya 15-20 dəğiğə hani darzən be zındəbimon. Stomotoloqən rozi be. Bəmə sedaşıya kon neviku istifadə be, mualicə prosesi çanəndə dəvom karde, risk faktoron barədə məlumat nıdoşe”, – Şahnoz Mehdiyeva votedə.De əçe sıxanon, nav mualicə əğıliku hiç qılı bo sedasiya zəruri analiz peğətə bə ni.Təxminən 20 dəğiğə bə peş stomatoloq Bəhruz Rustəmov əğıli ranqi deqış be vındəşe, bə anestezoloq Fərəh Amanova bın barədə məlumatış doə.“Əğıli kliniki marde dəvoniye vində Fərah Amanova tibbi mıdaxiləş kardə, əmma foydoş doə ni. Klinika reanimatoloq Rauf Paşayev bə komək vanq kardə bə. Rauf Paşayevi de elektroşoki əğıli dıl fəaliyyətış bərpo kardə. Peso məlum be ki, Fərəh Amanova navkoən “Astoriya” Tibb Mərkəzədə ko kardə fəxt joğo səhlənkorətış kardə”Əğıl çəyo bə reanimasiya bardə bə.Valideynon dın məsələ band bə huğuğ-muhafizə orqanon ovardonən, hiç qılı nəticəş bə niDın məsələ bə Prezident İlham Əliyevi, iminə Vitse-prezident Mehriban Əliyeva, Sər prokuror Kamran Əliyevi, Dılətonə Koon Vəzir Vilayət Eyvazovi, Azərboycon Respublika İnson Huğuğon ro Mıvəkkil (Ombudsman) Səbinə Əliyeva, Xeyzon, Zənən və Əğıl Problemon ro Devlət Komitə sərdor Bahar Muradova, Səhiyyə Vəzir Teymur Musayevi, TƏBİB-i icroəkə direktor Vuqar Qurbanovi və əlidə onemonen ovardə valideynon in hadisə sərost tədğiğ karde rico kardən.