Nat sahədə mıvəğğəti sağlaməti qın kardə xonəxon istə muavinati se zındənin

Nat sahədə muxtəlif idorə iyən muəssisonədə istə ko ğabiliyyəton mıvəğğəti qın kardə xonəxon bə əvon doə noxəşinə vərəğon Devlət Sosyal Mıdofiə Fondi tərəfo dırıs təmin nıbeku şikat kardən.

Koəkon votdən ki, noxəşinə vərəğon dırıs təmin nıbe Devlət Sosial Mıdafiə Fond idaronədə bardə təftışon band kardedən.
Kaspi Dıyo Nat Donanmadə ko kardə Sucəddin Şahmalıyev ko ğabiliyyəti mıvəğğəti qin karde anqıl ım sori fevrali 5-ku tosə iyuli 15 “Qeneral” hospitalədə mualicə bə noxəşinə vərəğəş sə . Donanma tərəfo fevralə manqi 14 ruji muavinat doə bə. Mandə hissə fondi tərəfo doə bə ni.
Bo “SOCARDOWNSTREAM” MMC -i koəkə Ramil Axundovi apreli 15-ku bulleten oj kardə bə. Bə muəssisə dı bulleten təğdim kardə bıboən, həmonə vaxtiku tosə ısən əvon təmin kardə bə nin.
Natəvonon Huğuğon Mıdafiə Təşkilati sərdor Mırvari Qəhrəmanli bəyonış kardə ki, bə rəhbərəti kardə təşkilat, SOCAR Nəğliyyat idarədə, Boku Nat Emal Zavodədə, əz cümlə əlidə muəssisonədən noxəşinə vərəğon Devlət Sosial Mıdafiə Fondi  tərəfo təmin nıbe ro şikaton kardə bən.
Huğuğ mıdafiəvoni votəşe ki, ko ğabiliyyəti mıvəğğəti qın kardə xonəxon koy vırə iyən vəzifə oqəte şərti, bə əvon  sıftənə14 ruji mıvafiq icro hakimiyyət orqanı tərəfo muəyyən bə ğaydədə və mığdarədə bə ko peqətəy  vəsaiti, mandə rujon məcburi devlət sosial sığorta həxon hisob (DSMF ) muavinat doə bənine:
“Hətto təftışon bardə bıbonən, muvinaton fəxtədə doə bənin. Təftışon bə koəkon aidiyyat nişone”.
Qəhrəmanli votəşe ki, co holədə “Sosial sığorta həxədə” ğanuni tələbon darıştə bedən.