Bo navkonə deputati hukm handə be

Navkonə deputat, iğtisoddor Nazim Bəydəmirli 8 sor ozodətiku məhrum kardə be barədə sentyabri 30-də Boku Qonə Cinoyəton Məhkəmədə bo əy hukm handə bə.

De doə hukmi, Nazim Bəydəmirli bənə zərərkəşəy zınə bə Mursəl İbrahimovi 49 həzo 740 mənot təzminat doəniye.
Bə navkonə deputati vəynə de Cinoyət Məcəllə 182.2.4 (de tars ehaşte tələb karde – xeyli mığdarədə əmlok bə daşt varde məğsədi kardeədə) və 182.2.2 (de tars ehaşte tələb karde – təkror kardeədə) maddon ittihom bə nav doə bə.
Bın maddon sanksiyonədə tosə 10 sori ozodətiku məhrumkardə cəzo hıste, çumçoko Nazim Bəydəmirli dı xonəxoku de tars ehaşte pul tələb kardeədə ittihom bedə.
İttihomon qılıədə iddio bedə ki, “Avto-Qarant” Ojə Səhmdor Cəmiyyəti xıvand bə navkonə deputati, çın cəmiyyəti təsisəkə və Muşahidə Şura sərdor Ədolət Bağırovış de intim video şantaj kardə, əçeku 50 həzo mənot pul tələbış kardə.
Oxonə nəticədə 2023-minə sori iyunəda əçeku 10 həzo mənotış sə.
Dıminə ittihom, Nazim Bəydəmirli 1996-minə sori Rusiya Federasiya Lipetsk şəhərədə Mursəl İbrahimoviku bə alkoqol biznesi noə vəsaitonku imtino karde və əçeku pul tələb kardeye. Əmmo Nazim Bəydəmirli ın ittihomon hiç qılə ğəbul kardə ni.
Əçe dastqirəti 5-6 ruj bə nav, bə hokuməti nezə media orqanonədə Seyudli hadison təşkiləkon miyonədə Nazim Bəydəmirli nomən qətə bə.
Navkonə deputat Seyudlu hadison ğıbon vıjniyə be iddio kardə.
Əv, ıştəni “ekoloqiya məhbus hisob kardə..