“Toplum TV” koy ro taxsikoron dastqirəti mıddət dıroz kardə bə
Xətai Rayon Məhkəmədə Ələsqər Məmmədli, bə Akif Ğorbanov iyən Ruslan İzzətli istintoğe ro dastqirətiədə oğətə mıddəti dıroz karde ro doə təğdimoti diə kardə bə
“Toplum TV” koy ro taxsikoron dastqirəti mıddət dıroz kardə bəXətai Rayon Məhkəmədə Ələsqər Məmmədli, bə Akif Ğorbanov iyən Ruslan İzzətli istintoğe ro dastqirətiədə oğətə mıddəti dıroz karde ro doə təğdimoti diə kardə bə.“Toplum TV” internet televiziya və bın nomədə portali təsisəkə, media ro ekspert Ələsqər Məmmədli həxədə dastqirəti ğətimko tədbiri mıddət həniən 3 manq dıroz kardə bə. 7 manqe dastqirətiədə bə Ələsqər Məmmədli istintoğe ro dastqirətiədə oğəte mıddət tosə yanvari 6 dıroz kardə bə.Oktyabri 3-də Xətai Rayon Məhkəmədə əçe həxədə dastqirəti ğətimko tədbiri dıroz karde ro prokurori edaştə təğdimati diə kardə bə. Məhkəmədə mıstəntığe təğdimotış mıdafiə kardə, təmin kardə be piyəşe.Ələsqər Məmmədli və vəkilon təğdimoti beəsos be bəyonşon kardə.Ələsqər Məmmədli votəşe ki, əv, Boku Devlət Universiteti muəllim bə, bə həzo tələbonış dərs doə, ışət bəne əy ruşnəfami de absurd ittihomi dastqirətiədə oğətedən. Əy, ittihomi şər-behton be,dastqirəti de“Toplum TV” fəaliyyəti ro be bəyonış kardə.Vəkilonən təğdimoti beəsos və beğanuni be, təmin nıkardə be piyəşone.Təğdimot təmin kardə bə və Ələsqər Məmmədli həxədə dastqirəti ğətimko tədbiri mıddət tosə yanvari 6 dıroz kardə bə.Xətai Rayon Məhkəmədə oktyabri 3-də həmən III Respublika Platforma spiker, Demokratik Təşəbbuson İnstituti rəhbər Akif Ğorbanov və Platforma Onoə Heyəti uzv Ruslan İzzətliən istintoğe ro dastqirətiədə oğətə mıddəti dıroz karde ro doə təğdimoti diə kardə bə. Çe əvon barədə doə təğdimotən təmin kardə bən və dastqirəti ğətimko tədbiri mıddət həniən 3 manq ziyod kardə bə.Akif Ğorbanov məhkəmədə de siyasi sifarişi dastqir kardə be votəşe.Vəkilon çın ğəroronku apelyasiya şikot karde eçınşon qətə.Marti 6-də “Toplum TV” internet televiziya redaksiya və Demokratik Təşəbbuson İnstituti ofisədə polison əməliyotşon dəvonə və çə vıre dərvozoşon bə kilit jə.Bın cinoyət koədə 9 kəs bə cinoyət məsuliyyət cəlb kardə bə. Çəvonədə 7 kəsi həxədə dastqirəti ğətimko tədbir vıjniyə bə, 2 kəsi istintoğ mıddətədə ozodətiədə mande ğəror doə bə.
