Ətrof muhiti çırkin karde ro cərimon ziyod kardə bedən

Milli Məclis bə İnziboti Xətoon Məcəllə əvəzətiyon iminə handemonədə ğəbulış  kardə.

De nuə əvəzətiyon, bə roon, ya ro onoəyon xəşəl və ya nəqliyyot vasitonku bə kəno əşyo şodoe ro fiziki xonəxon 200 mənot, vəzifəninə xonəxon 1 000 mənot, huğuği xonəxon 4 000 mənot məbləğədə cərimə kardə bəben.
Milli Məclisədə mulağaton bə peşt əvəzətiyon bə sədo noə bən, iminə handemonədə ğəbul kardə bə.
 Məişət xəşəlon ğabonku bə kənoə vıron şodeo roən cərimə ziyod kardə bedə.
De nuə Layihə, navko 50 mənot bə cərimə bo fiziki xonəxon 300 mənot, bo vəzifəninə xonəxon 1000 mənot, bo huğuği xonəxon 4000  mənot məbləğədə bəbe.
Nəzədə qətə xəto 1 sorədə təkror bə holədə fiziki xonəxon 1000 mənot, vəzifəninə xonəxon 1500 mənotiku tosə 2000 mənot məbləğədə cərimə kardə bəbe, və ya xəto kardə xonəxo şəxsiyyəti bə nəzə se, 60 saatiku tosə 100 saati bə ictimai koon vadar bəben, huğuği xonəxon 5000  mənotiku tosə 7000 mənot məbləğədə cərimə kardə bəben.
Ğərəz bımon, tənbəku məmulati xəşəlon bə ətrof mühit sodeo ro cərimə məbləğ 50 mənotiku bə 300 mənot, təkror bə holədə 700 mənot məbləğədə cərimə və  ya 60 saatiku tosə 100 saati bə ictimai koon cəzo tətbiğ bəbe.
 Metropolitenədə bə osonə ro əşyo sodoe ro  200 mənot məbləğədə cərimə təklif kardə bedə.
Holiədə ın cərimə məbləğ 30 mənote. Nuə əvəzkardəyon həmmə iminə handemonədə ğəbul kardə bən.