İcro sərdori mıavin bə cinoyət məsuliyyət cəlb kardə be

2012-minə sori sentyabriku tosə 2024-minə sori avqusti Qədəbəy Rayon İcro Hakimiyyəti sərdori mıavin ko kardə Vəfa Allahverdiyeva i manq bə nav bə cinoyət məsuliyyət cəlb kardə bə. Əv de Cinoyət Məcəllə 178.3.2 (dələdızdəti – kulli mığdarədə ziyon je kardeədə) maddə ittihom kardə bedə.

İcro sərdori mıavin bə cinoyət məsuliyyət cəlb kardə be2012-minə sori sentyabriku tosə 2024-minə sori avqusti Qədəbəy Rayon İcro Hakimiyyəti sərdori mıavin ko kardə Vəfa Allahverdiyeva i manq bə nav bə cinoyət məsuliyyət cəlb kardə bə. Əv de Cinoyət Məcəllə 178.3.2 (dələdızdəti – kulli mığdarədə ziyon je kardeədə) maddə ittihom kardə bedə.Navkonə icro sərdori mıavin dastqir kardə nıboən, əçe barədə polis nəzarətədə be ğətimko tədbir vıjniyə bə.Oktyabri 23-də Boko Qonə Cinoyəton Məhkəmədə dın koy band məhkəmə proses bino kardə bəbe. Vəfa Allahverdiyeva de əlidə i xonəxo ivrədə muhakimə kardə bəben.1978-minə sor təvəlludunə Vəfa Allahverdiyeva oşnə, dırozə mıddət de dələdızdəti ittihomi dastqirətiədə bə Təranə Bağırova bın koədə taxsiko zınə bedə. De İttihomi, əvon 2021-minə sori, Qədəbəy əji Cavanşir Məmmədəliyevi rayoni təhsil şebə mudir doe nomi əçeku 51 həzo mənot pulşon sə.Cinoyət ko 2024-minə sori aprelədə bino kardə bıboən, icraat 2-3 kərə oğətə bə. Vəfa Allahverdiyeva avqusti 22-də icro sərdori mıavin vəzifəku ozod kardə i həftə bə peş ko tojə kardə bə. Dı ruj bə peş – sentyabri 2-dən Vəfa Allahverdiyeva bənə taxsikorə xonəxo bə məsuliyət cəlb bə, bə əçey vəynə ittihom bə nav doə bə.De ittihomi, Cavanşir Məmmədəliyevi Qədəbəy rayon təhsil şebə mudir vəzifə doe məsələ, Təranə Bağırova de ıştə Təhsil Vəzarətədə ko kardə oşnə vasitə həll karde sıxanış doə bən.Cavanşir Məmmədəliyevi de istə zoə iminə kərə Bokuədə – “Qənclik” metrostansiya nezi bə “Tonqal” restoranədə bə Təranə Bağırova 40 həzo mənot pulşon doə. Bə in vindemon 2021-minə sorədə əvon de Qədəbəy icro sərdoro muavini bə ico omən. İ manq bə peş Təranə Bağırova çəvonku həniən 10 həzo mənotış sə. 1000 mənotən əçe zoə bə Təranə Bağırova bank kart ovoştonəşe.Təranə Bağırova ın pulon se inkor kardə ni. “Tonqal”ədə sə 40 həzo mənoti 10 həzo mənoti bə Vəfa Allahverdiyevaya doə be, əmandəniən bo istə xarc karde votedə. Cavanşir Məmmədəliyevi bə vəzifə doe ro hərəkət bıkoən, bə sə vardeş zınə ni.Vəfa Allahverdiyeva bey 10 həzo mənot doə be barədə votəyon ğəbul kardə ni.Azərboycon Respublika nomədə məmləkətədə sistem rışvə iyən korrupsiyə səpe onoə bey ro, bın sistemi anqıləti bə həmmə vəzifəninə xonəxon rışvəxor iyən korrupsiyaner be bo əhali bəlli fakte.