95 milyon dollar puli bə Azərboycon onıqordone ro dastqirbəyon hıstin
95 milyon dollar puli bə Azərboycon onıqordone ro dastqirbəyon hıstin
95 milyon dollar puli bə Azərboycon onıqordone ro dastqirbəyon hıstin
95 milyon dollar puli bə Azərboycon onıqordone ro dastqirbəyon hıstinDi təsərrufati məhsulon bə xaric həvateku bə daşt vardə 95 milyon dollari nezi puli bə Azərboycon oqordonə nıbe xəbə doə bedə.Bın səbəb kali xonəxon dastqir kardə be barədə Sər Prokuratura məlumatış pevolo kardə.Məlumatədə bəyon kardə bə ki, de xarici iğtisadi fəaliyyəti məşğul bə koy odəmon pul bə Azərboycon oqordonə nıbe həxədə bə Devlət Qemruk Komitə materialon omən.Həmon materialon əsnoəda bə Korrupsiyaya Vəynə Mıbarizə İdorədə cinoyət koon bino kardə bən.Rufət Qarayev, Elnur Qarayev, İbrahim Lalayev, Elməddin Muxtarov iyən əlidə xonəxon “Land Lojistics”, “International Lojistics” nomədə şirkətonşon təsis kardə.In şirkəton de xarici keşvəri şirkəton miyonəda di təsərrufat məhsulon savdı dair sozişon bastə bən, bə daşt omə 85 milyon 500 həzo dollarisə ziyod pul Azərbaycanədə bə mıvəkkil bank hisob oqordonə bə ni.Bın xonəxon vəynə de Cinoyət Məcəllə mıvafiğ maddon ittihomon bə nav doə bən.Rufət Qarayev, İbrahim Lalayev iyən Elməddin Muxtarovi barədə de Binəqədi rayon məhkəmə ğərori bo istintoğ mıddəti ro dastqirəti ğətimko tədbir vıjniyə bə.Elnur Qarayevi istintoğ mıddətədə ozodətiədə oğəte ğəror doə bə.Əçey barədə istintoğ mıddətədə bə polisi nəzorət doe ğətimko tədbir vıjniyə be votə bedə.Ğərəz bımon, Nizami Abdullayev, Elşad Rzayev iyən əlidəyon təsis kardə “Fresh Fruits Az” şirkəti xarici keşvəronədə fəaliyyət nuşu doə şirkəton miyonəda di təsərrufati məhsulon savdı dair muğavilon bastə bən.Bə daşt vardə 8 milyon 800 həzo dollarisə ziyod puli bə mıvəkkil bank hisob ovoştonə nıbe ğeyd kardə bedə.Bın xonəxon vəynən de Cinoyət Məcəllə mıvafiğ maddon ittihom bə nav doə bə.
