Qilon çe kişfəri əmniyyəti mıdofiyə kardə şəhidon pokə cəsədon ğəbul bəkarde

Təftani terrorə hodisədə şəhid bıə Qilonıjə şəhidon cənozəon maşkinə seşanbə ruji,Abanə manqi 8-ədə Mirza Kuçukxani viloyətədə və çe Qilonıjon daston peyo bə zəmin dəspardə holədə,ıştə moəku bıə vıronədə orom bəbeyn.

Bə Qiloni Rədyo və Televiziya Xəbə Aqentəti doə məlumoti əsos,Qiloni polis komandanəti elonış kardə: Puya Rəhməttələb Ziyabəri və Əlirza Ağacani şəhidon dəfni mərosim 8 aban 1403-ə sori seşanbə maştəvoni saat 8:00-ədə çı viloyəti polis komandanəti ğərorqoyədə təşyi kardey bədiqə,çəvon pokə cənozəon bo dəfn kardero bə  Somiyə  Səra və Astana Əşrəfiyə şəhronədə bıə diyoron bardey bəbeyn. Şəhid Əlirza Ağacani və Şəhid Puya Rəhməttələb Ziyabəri şanbə ruji Sistan və Bəlucistan əyoləti Təftan şəhri Qovhərku məntəğədə,çe silohlinə cinoyətkoron de polis patrulon miyono bə əməl omə qullə ğandey nəticədə şəhid bıən.