Naxçıvanədə vəziri tənğıd kardə muəllim koədə bekardə bə

Naxçıvanədə vəziri tənğıd kardə muəllim koədə bekardə bə

axçıvanədə vəziri tənğıd kardə muəllim koədə bekardə bəSəriyyə Qəmbərova 2007-minə soriku Naxçıvan şəhəri 1 numrəninə miyonə məktəbədə fiziki tərbiyə fənni muəllimış ko kardə. Bı nezıno koədə bekardə muəllim votedə ki, həmmə problemom imsori mayə manqədə bə Naxçıvan təhsil vəzir təyin kardə Elxan Nəcəfovi tənğıdı bə peş bə miyon beşən.Səriyyə Qəmbərova iddio kardə ki, bə Naxçıvan de nuə təhsil vəziri ome Hisobə Palata təhsil muəssisonədə bə audit təftişonış bino kardə. Nırəsə pulon de bədən tərbiyə, texnoloqiya iyən xarici zıvonon tədris kardə muəllimon ko saaton bə kam karde həll kardən.“17 məktəbədə ın fənnon bə ico tədris kardeşon piye. 300 muəllim bo etiroz karde ro sıftə bə Naxçıvan Şəhər Təhsil Şebə şiin. Əvon bə bina vodoə nıbə bə peş, Ali Məclisi vədə qırd bin. Azən əyo bim, çumçoko bəmıən dərs saaton bə kam, muavinati nibə-bənim karde band xəbərdorəti bə be, rozi nıbim, Vəziron Kabineti ğərorım tələb karde”.Səriyyə Qəmbərova votedə ki, dərs saaton bə kam karde ro sentyabri 16-də ıştə etirozış ərızə formadə bəyon kardə. Sentyabri 18-də bə məktəbə şeədə vindəşe ki, ko otağe kəybə kilit əvəz kardə bə. Bə direktori bın barədə istə noroziəti voteyədə, çəvon miyonədə insident bə miyon beşə. Muəllimə iddio kardə ki, direktori əvış kuə, bə xadimonən aspardəşe ki, əçe ıştəni kue barədə şoydəti bıkon.Səriyyə Qəmbərova bə məktəb təcili komək və polison, Təhsil Şebə mudiri ome, hadisə təsir jiy be ro həmon ruj ekspertizaku dənıvarde bəyonış kardə. Hadisə səpe 3 ruj dəvardə bə peş ekspertizaku dəvardoən, kuə rizon mande məlum bə.Oktyabri 3-də bə Səriyyə Qəmbərova sentyabri 16-də nıvıştə ərızə cəvob omə. Cəvobədə bə məktəb dəvomon nı ome ro, de Əmək Məcəllə 70c bəndi koədə bekardə be ğeyd bə.Muəllimə direktor tərəfo kuə be ro bə polis, koədə bekarde ro bə məhkəmə ovardə. Əv hisob kardə ki, məktəbədə bəyon sosial şəbəkonədə ictimai karde ro koyku bekardə bə.