Dastqirətiyədə bıə sayt rəhbəri vəşyanəti aksiyə
Dastqirətiyədə bıə sayt rəhbəri vəşyanəti aksiyə
Dastqirətiyədə bıə sayt rəhbəri vəşyanəti aksiyə
Dastqirətiədə bə sayt rəhbər vəsiyəti kardə“Xeberman.com” sayti dastqirətiədə bə rəhbər Polad Aslanovi noyabri 4-ku bə vəşiyəti bino karde barədə əçe jimoni həmro Qulmirə Aslanova məlumot pevoloş kardə.De jimono həmro sıxani, Polad Aslanovi tələb həmmə siyosi məhbuson bə ozodəti vadoye:“Polad Aslanov votedə ki, bənə COP29 beynəlxalq tədbir dəvardə keşvərədə siyosi məhbus bəni ni, insonon ictimoi-siyosi mevğe, jurnalist fəaliyyəti ro dastqir bəni nin. Odəmonku de əçəvon xeyzoni təhdidi bə ıştə əleyh ifodə sə bənini. De əçe istəni joğo rəftor kardə bə. Im ruj de joğo pesoxtə hukmon azərboyconədə cəzo kəşə xeyli siyosi məhbus hıste. Vəşiyəti kardeədə tələb siyosi məhbuson bə ozodəti vadoye. Ənəndə taxsi nıbə insonon zindononədə oğətə keşvərədə joğo qılı tədbir çoko dəvonə be bəzne?”.Jimoni həmro votedə ki, noyabri 4-də 1 numrəninə cəzokəşə muəssisəsədə de Polad Aslanovi vindemonış bə. Vindemonədə muəssisə rəisiən iştirokış kardə:“Əvış bə ro varde pidə be ki, vəşiyəti oğəto”.Qulmirə Aslanova, noyabri 5-də Poladi bə Penitensiar Xıdməti Mualicə Muəssisə ovoştonə be həxədə məlumot se votedə:“Məlumotım se ki, az oqardə bə peş Polad bə Mualicə Muəssisə vığandə bə. Holiədə əçe kon vəziyyətədə be zındənim”.Qulmirə Aslanova votedə ki, bə əçey jimoni həmro şikoti Avropa Məhkəmədə diyə kardə bə və bə əçəy xeyr ğəror doə bə. Azərboyconi hokumətən dın ğərori rozi bə, hətto kompensasiyəşən doə.Polad Aslanov 2019-minə sor iyuni 12-ku de 13 sor ozodətiku məhrum kardə cəzo dastqir bə. Əv de İroni xususi xıdmət orqanon nunəkıle koədə taxsikor zınə bə.Sayti rəhbər ıştəni taxsikor zınedə ni, bə jurnalist fəaliyyəti, xususən Devlət Əmniyyətə Xıdməti koəkon zəvvaron bə ziyarət bardə şirkətənku rışvə se barədə nıvıştəyon ro cəzo se bəyonış kardə.
