De qonə noxəşinon pensiya bə xəzinə ğənaət kardən
Cəlilabadi Sərhədobod di əji, 1969-minə sor təvəlludin Hasif Ağayev II qrup bemıddətə şikəstəti ğeyri-ğanuni ləğv kardə beku şikot kardə. Bın barədə pevolo kardə məlumotədə, əv, 24 sor bə nav de ciddi mərəzi sikəstəti se votedə.
De qonə noxəşinon pensiya bə xəzinə ğənaət kardənCəlilabadi Sərhədobod di əji, 1969-minə sor təvəlludin Hasif Ağayev II qrup bemıddətə şikəstəti ğeyri-ğanuni ləğv kardə beku şikot kardə.Bın barədə pevolo kardə məlumotədə, əv, 24 sor bə nav de ciddi mərəzi sikəstəti se votedə.De əçey vote, 1987-minə sori Rusiya Krasnodar şəhərədə hərbi xıdmətədə bə fəxt əçeku psixoloji mərəz oşko kardə bə.Çın mərəzi səbəbiku 1 sor bə peş hərbi xıdmətiku bə kə Azorboycan oqordonə bə.Bə Azərboycon vığande bə nav 5 manq Krasnodarədə noxəşxonədə mualicə bə. Əçe hərbi sənədədən psixi noxəşin və bə hərbi xıdməti bəvəc nı ome ğeyd kardə bə.1988-minə soriku tosə 1999-minə sori Azərboyconədə de ha sor tibbi muayinəku dəvarde bemıddətinə II qrup sikəstətiş sə.“Mərəzi şe-şe qon be nəticədə 1999-minə sori yanvarədə bəmı bemıddətinə II qrup şikəştəti doə be. Tosə ponə sori martə manqi şikəstəti pensiya sedə bim. 13 mart 2023-minə sorədə bə Əhali Sosial Mudafiə Vəzarəti tabe bə Devlət Tibbi-Sosial Ekspertiza və Reabilitasiya Aqentəti mınış bə əyoni muayinə dəvət karde. Uzrinə səbəbiku bə əyani muayinə şe nıznim. Dın əsosi dərhol aidiyyəti inziboti akt onoə, şikəstəti dərəcə ləğv kardə bə”,- Hasif Ağayev ğeyd kardə.Vətəndor çəpə dasti hərəkət nıkarde votedə. Səbəbən1994-minə sori kəllə anqıştə bıriyeku dast siniron zədəjə beye.Holiədə Ağayevon xeyzon de zoə fəhlə puli iyən 86 sininə bə yonqo qıniyə moə pensiya jidən. Əv istən ponə soriku mualicə nıbeku mərəzi qon be, simptomon rə-rə bə miyon beşeku bə kənoə xonəxon, bə kə ziyon je votedə.Şikəstəti dərəcə ləğvi səbəb Vəzarəton Kabineti 2020-minə sor 10 yanvar tarıx 11 numrəninə Ğəror təsdığ kardə “Şikəstəti doe Ğaydə” 3.7-minə bənd əsos vardə bedə. Dın ro, de şikəston pensiyə bırıye azərboyconədə bə xəzinə ğənoət kardən, de milyonon dızdiyə pulon bə xəzinə oqordone ne.
